بس والله كل نبضة بقلبي بتهتف باسمك والدنيي يا إمي والحياة شو بتحلى بقربك
يا إمي بتذكري الطفلة اللي كانت تدفى بحضنك مازالت يا إمي بردانة ....وعم تستنى طلتك شو قولك؟ بترجع صغيرة بجدولة وبتتسرح بمشطك؟ وبترجعي تغنيلها قبل ما تنام وتحكيلها قصتك؟
رزق الله رزق الله يا إمي بعدني بذكر عروسة الزعتر والعروس اللي كنتها والدني كلها آه يا إمي شو مشتاقة لبسمتك
شو مشتاقة للمسة حنان بتهدهد على شعري لحتى نام وبترندحلي بهالأشعار وياللا تنام ياللا تنام شو مشتاقة لصوتك
وبذكر لما كان المرض يحضر كانت عيونك عني ما تغفل يا نبع المحبة يا إمي يا جنة حنان شو حلو قلبك وبيعن على بالي لما كنت عذبك بالحب والحنية اللي فيك يا إمي كانت تعقل طفلتك وهلق أنا مع بنتي و شقاوتها عم أتعلمن منك
شو مشتقتلك يا إمي يخليكي ربي إلي يا شمعتي ويطول بعمرك ***
تعليقك مسؤوليتك.. كن على قدر المسؤولية EmoticonEmoticon