نسّم عطرَكْ عَالشباك
حامل عَ جناحو هواك
فرفح قلبي من جوّة
وزهّر برعم بورودي
تنادي بلهفي ياعمري
بعدك محتار بأمري
وبخوفي الي مالو حدود
وتبعت مرسالك: عودي
بعلمي نسياني اسمك
وما رح أدخل عَ كرمك
لو عبّيت سلال التين
من الباكورة المعهودي
بس تفاجأت بحالي
وشفتك عَ قلبي غالي
تسلسل قدامي الماضي
وهدّم حصني وسدودي
حبك بقلبي ولعان
شاغل فكري من زمان
ناطر توميلو بهمسي
وبقلك : انا موجودي
قلبي من بعدك مجروح
شباكي بعدو مفتوح
حاج تلملم أشواقك
قلبي ناطر عَ حدودي
زقزق عصفورك حدي
وقلي ياحلوي ردي
حبيبك باعت بيقول:
محبوبك ناطر: جودي
17/8/2006
خاص: "نساء سورية"
خاص: "نساء سورية"
تعليقك مسؤوليتك.. كن على قدر المسؤولية EmoticonEmoticon